ye sar-zamin-e-watan

ye sar-zamīn-e-vatan ye dayār-e-ahal-e-nazar

ye sar-zamīn-e-vatan jalva-gāh-e-zāt-o-sifāt

ye sar-zamīn-e-vatan ābrū-e-ālam-e-ḳhāk

ye sar-zamīn-e-vatan gulshan-e-bahār-e-hayāt

ye sar-zamīn-e-vatan ye dayār-e-ahl-e-nazar

jabīñ pe jis kī rivāyāt kī hai tābānī

ragoñ meñ jis kī ravāñ hai lahū shahīdoñ kā

ki jis pe karte haiñ shams-o-qamar gul-afshānī

ye sar-zamīn-e-kitāb-e-hayāt jis ko kaheñ

kitāb hī nahīñ tārīḳh hai ma.īshat kī

ashok-o-akbar-o-chishtī-o-nānak-o-gāñdhī

har ik varaq hai na.ī dāstāñ mohabbat kī

zabāñ pe baare ḳhudāyā ye kis kā naam aayā

ki bose nutq ne baḌh kar mirī zabāñ ke liye

jadīd hind kī qismat banā.ī gāñdhī ne

naved-e-amn vo laayā thā kul-jahāñ ke liye

savāl nasl ke hoñ yā zabān-o-maz.hab ke

savāl san.at-o-hirfat ke yā ma.īshat ke

har ik savāl kā pur-amn hal talāsh kiyā

savāl ghar ke hoñ yā ālamī siyāsat ke

usī ke naqsh-e-qadam haiñ ki jin pe chal kar ham

na.ī bahār kī manzil talāsh karte haiñ

usī kā faiz-e-nazar hai ki jis ke bal par ham

sukūn-e-zīst kā sāhil talāsh karte haiñ

ye sar-zamīn abhī aur bhī hasīñ hogī

sajā rahe haiñ use zindagī ke dīvāne

ye sar-zamīn-e-vatan ye dayār-e-ahl-e-nazar

likheñge ahl-e-junūñ is ke kitne afsāne

ye sar-zamin-e-watan ye dayar-e-ahal-e-nazar

ye sar-zamin-e-watan jalwa-gah-e-zat-o-sifat

ye sar-zamin-e-watan aabru-e-alam-e-KHak

ye sar-zamin-e-watan gulshan-e-bahaar-e-hayat

ye sar-zamin-e-watan ye dayar-e-ahl-e-nazar

jabin pe jis ki riwayat ki hai tabani

ragon mein jis ki rawan hai lahu shahidon ka

ki jis pe karte hain shams-o-qamar gul-afshani

ye sar-zamin-e-kitab-e-hayat jis ko kahen

kitab hi nahin tariKH hai maishat ki

ashok-o-akbar-o-chishti-o-nanak-o-gandhi

har ek waraq hai nai dastan mohabbat ki

zaban pe bare KHudaya ye kis ka nam aaya

ki bose nutq ne baDh kar meri zaban ke liye

jadid hind ki qismat banai gandhi ne

nawed-e-amn wo laya tha kul-jahan ke liye

sawal nasl ke hon ya zaban-o-mazhab ke

sawal sanat-o-hirfat ke ya maishat ke

har ek sawal ka pur-amn hal talash kiya

sawal ghar ke hon ya aalami siyasat ke

usi ke naqsh-e-qadam hain ki jin pe chal kar hum

nai bahaar ki manzil talash karte hain

usi ka faiz-e-nazar hai ki jis ke bal par hum

sukun-e-zist ka sahil talash karte hain

ye sar-zamin abhi aur bhi hasin hogi

saja rahe hain use zindagi ke diwane

ye sar-zamin-e-watan ye dayar-e-ahl-e-nazar

likhenge ahl-e-junun is ke kitne afsane