ye shahr tamam andoh mein hai

ye shahr tamām andoh meñ hai

is raat sipāhī gasht par aayā nahīñ

tum ghar jā saktī ho

aur shahr ke bāhar jitne shahr haiñ sab ke sab andoh meñ haiñ

kal hafte kī ta.atīl kā pahlā din hogā

vo laḌkī ghaas pe baiTh ke likhtī hai aur hañstī hai

ik tez hañsī jo saat gharoñ ko chiir ga.ī

vo laḌkī ghaas pe baiTh ke likhtī hai aur hañstī hai

in lafzoñ par jo us ne likhe

in lafzoñ par jo is se pahle aane vaale sab ne likhe

in lafzoñ par jo is ke ba.ad ke aane vaale shāyad is par likheñge

vo hañstī hai aur likhtī hai aur hañstī hai

aur shahr tamām andoh meñ hai

koī patthar aan haTā.egā

is ghar ke bāhar ik ghar hai

tum ghar meñ jā kar so rahte

aur ḳhvāb ke liye dam kaahe ko aane haiñ

ḳhvāb to rath par aate haiñ

aur tum ne rath-devtā ko ḳhvāb meñ Daal diyā

ab shahr aur ḳhvāb aur aañkh kā rishta TuuT gayā

ab dariyā phailtā jaatā hai

aur koī kinārā paas nahīñ

aur dariyā phailtā jaatā hai

aur dariyā phailtā jaatā hai

aur dariyā phailtā jaatā hai

ye shahr tamam andoh mein hai

is raat sipahi gasht par aaya nahin

tum ghar ja sakti ho

aur shahr ke bahar jitne shahr hain sab ke sab andoh mein hain

kal hafte ki tatil ka pahla din hoga

wo laDki ghas pe baiTh ke likhti hai aur hansti hai

ek tez hansi jo sat gharon ko chir gai

wo laDki ghas pe baiTh ke likhti hai aur hansti hai

in lafzon par jo us ne likhe

in lafzon par jo is se pahle aane wale sab ne likhe

in lafzon par jo is ke baad ke aane wale shayad is par likhenge

wo hansti hai aur likhti hai aur hansti hai

aur shahr tamam andoh mein hai

koi patthar aan haTaega

is ghar ke bahar ek ghar hai

tum ghar mein ja kar so rahte

aur KHwab ke liye dam kahe ko aane hain

KHwab to rath par aate hain

aur tum ne rath-dewta ko KHwab mein Dal diya

ab shahr aur KHwab aur aankh ka rishta TuT gaya

ab dariya phailta jata hai

aur koi kinara pas nahin

aur dariya phailta jata hai

aur dariya phailta jata hai

aur dariya phailta jata hai