ye zard-ru chand KHatm-e-shab ka

jo lamha bhar ko mire darīche meñ ruk gayā hai

siyāh peḌoñ kī niim ḳhvābīda Tahniyoñ se

ulajh rahā hai

ik āḳhirī ashrafī kī sūrat

jo kīsa-e-shab meñ rah gayā hai

ye māh-e-bismil

jo yaad kī hadd-e-āḳhirīñ par

qadīm rātoñ meñ bhī mirā ham-nafas rahā hai

jo sard tārīk sā.atoñ meñ

sukūt-e-sahrā-e-nīm-shab meñ

mirī ḳhamoshī kā ham-navā hai

ye chāñd jo apnī chāñdnī kā

fusūn-e-derīna le ke mere

dabīz ḳhvāboñ meñ bas gayā hai

kahāniyoñ meñ purāne qissoñ meñ dāstānoñ meñ boltā hai

tilism-o-nairañg kī zabāñ meñ

ye chāñd jo apnī chāñdnī meñ

udaas qarnoñ ke ġham chhupā.e

mire darīche meñ Dhal rahā hai

ye chāñd jis kā qadīm ujālā

mire nafas meñ pighal rahā hai

ye chāñd mere dil-o-nazar meñ

hazār sadiyoñ se jal rahā hai

ye zard-rū chāñd ḳhatm-e-shab kā

jo lamha bhar ko mere dariche mein ruk gaya hai

siyah peDon ki nim KHwabida Tahniyon se

ulajh raha hai

ek aaKHiri ashrafi ki surat

jo kisa-e-shab mein rah gaya hai

ye mah-e-bismil

jo yaad ki hadd-e-aKHirin par

qadim raaton mein bhi mera ham-nafas raha hai

jo sard tarik saaton mein

sukut-e-sahra-e-nim-shab mein

meri KHamoshi ka ham-nawa hai

ye chand jo apni chandni ka

fusun-e-derina le ke mere

dabiz KHwabon mein bas gaya hai

kahaniyon mein purane qisson mein dastanon mein bolta hai

tilism-o-nairang ki zaban mein

ye chand jo apni chandni mein

udas qarnon ke gham chhupae

mere dariche mein Dhal raha hai

ye chand jis ka qadim ujala

mere nafas mein pighal raha hai

ye chand mere dil-o-nazar mein

hazar sadiyon se jal raha hai

ye zard-ru chand KHatm-e-shab ka