zaban par zaiqa do paniyon ka hai

zabāñ par zā.iqa do pāniyoñ kā hai

samundar darmiyāñ hotā to is se pūchhte

kis samt jā.egā musāfir kal

ḳhunuk paanī ke bajre par namak kī garm lahroñ meñ

akelā jaane vaalā jis taraf bhī jā.egā tanhā nahīñ hogā

mohabbat pāniyoñ par kheltī hogī

so ye jal-makḌīyoñ kī ja.al-sāzī thī

ki sāhil se ulajh kar log lahroñ meñ utarte

aur un ko ḳhauf hotā āñsuoñ ke pāniyoñ meñ ḳhushk hone kā

maiñ in ko pāniyoñ kī nazr kartā huuñ

so ai aadhe badan kī mehrbāñ machhlī

tum apne āñsuoñ ko ḳhushk mat karnā

mohabbat pāniyoñ par kheltī hogī

aur us kā zā.iqa khul jā.egā

jis vaqt jā.egā musāfir kal

ḳhunuk paanī ke bajre par namak kī garm lahroñ meñ

zaban par zaiqa do paniyon ka hai

samundar darmiyan hota to is se puchhte

kis samt jaega musafir kal

KHunuk pani ke bajre par namak ki garm lahron mein

akela jaane wala jis taraf bhi jaega tanha nahin hoga

mohabbat paniyon par khelti hogi

so ye jal-makDiyon ki jal-sazi thi

ki sahil se ulajh kar log lahron mein utarte

aur un ko KHauf hota aansuon ke paniyon mein KHushk hone ka

main in ko paniyon ki nazr karta hun

so ai aadhe badan ki mehrban machhli

tum apne aansuon ko KHushk mat karna

mohabbat paniyon par khelti hogi

aur us ka zaiqa khul jaega

jis waqt jaega musafir kal

KHunuk pani ke bajre par namak ki garm lahron mein