zabt ka KHarch

zabt ko soch kar ḳharch kartā huuñ maiñ

har kisī par nahīñ

har jagah par nahīñ

is liye merī āñkheñ kabhī ḳhushk hotī nahīñ

aisā lagtā hai har baat par

jaise rone ko tayyār baiThā huuñ maiñ

dostoñ se huī bad-zabānī pe bhī

dukh-bharī dūsroñ kī kahānī pe bhī

yuuñ

ki maiñ zabt ko ḳharch karnā nahīñ chāhtā

chhoTī-moTī kisī baat par

haañ magar

baḌe vāqa’e jab hue

yahāñ tak ki jab mere ghar se janāze uThe

tab kisī ne mirī aañkh meñ ek aañsū bhī dekhā nahīñ

koī ye sochtā hai agar

ki us ne mujhe apne ġham meñ rulā kar

baḌā mā'raka koī sar kar liyā hai

to pāgal hai vo

zabt ko soch kar KHarch karta hun main

har kisi par nahin

har jagah par nahin

is liye meri aankhen kabhi KHushk hoti nahin

aisa lagta hai har baat par

jaise rone ko tayyar baiTha hun main

doston se hui bad-zabani pe bhi

dukh-bhari dusron ki kahani pe bhi

yun

ki main zabt ko KHarch karna nahin chahta

chhoTi-moTi kisi baat par

han magar

baDe waqa’e jab hue

yahan tak ki jab mere ghar se janaze uThe

tab kisi ne meri aankh mein ek aansu bhi dekha nahin

koi ye sochta hai agar

ki us ne mujhe apne gham mein rula kar

baDa ma'raka koi sar kar liya hai

to pagal hai wo