zaibunnisa ek nazm tumhaare liye bhi

kyā ajab shaam hai! dekho zaibunñisā

fursatoñ meñ kisī peḌ kī narm chhāñv meñ sochī huī

ābshāroñ se girte hue pāniyoñ meñ nahā.ī huī

tere malbūs kī ḳhushbuoñ ko uḌātī huī

kyā ajab shaam hai

tere shānoñ pe āñchal Thahartā nahīñ

aur tū ne havā ko bahāna kiyā

kitnī chālāk ho

chaa.e meñ apnī poroñ kī shīrīniyāñ ghol kar pūchhtī ho

ki chīnī ke kitne chammach lījiyegā

samajh ye rahī ho

ki ham tere sāñsoñ kī aur terī dhaḌkan kī raftār ko jānte hī nahīñ haiñ

sunahrī fazā ko hañsātī huī saada laḌkī

tujhe kyā ḳhabar hai

ajab zā.iqa ban gayā hai luāb-e-dahan

chhū ke dekhā nahīñ aur azbar kiyā terā saarā badan

tere tan se lipaTtī chalī jā rahī hai mirī har nazar

kis tarah se chhupā.egā terā badan

ye terā pairāhan

kya ajab sham hai! dekho zaibunnisa

fursaton mein kisi peD ki narm chhanw mein sochi hui

aabshaaron se girte hue paniyon mein nahai hui

tere malbus ki KHushbuon ko uDati hui

kya ajab sham hai

tere shanon pe aanchal Thaharta nahin

aur tu ne hawa ko bahana kiya

kitni chaalak ho

chae mein apni poron ki shiriniyan ghol kar puchhti ho

ki chini ke kitne chammach lijiyega

samajh ye rahi ho

ki hum tere sanson ki aur teri dhaDkan ki raftar ko jaante hi nahin hain

sunahri faza ko hansati hui sada laDki

tujhe kya KHabar hai

ajab zaiqa ban gaya hai luab-e-dahan

chhu ke dekha nahin aur azbar kiya tera sara badan

tere tan se lipaTti chali ja rahi hai meri har nazar

kis tarah se chhupaega tera badan

ye tera pairahan