زخم
میں تم سے کچھ نہ چھپاؤں گا اور ہے بھی کون
جسے میں جان سے بڑھ کر عزیز رکھتا ہوں
تمہیں دکھاؤں گا میں زندگی کا ایک ایک زخم
میں تم سے کچھ نہ چھپاؤں گا وقت آنے دو
بہت سے زخم دئے ہیں مجھے زمانے نے
میں تم سے کچھ نہ چھپاؤں گا وقت آنے دو
یہ زخم اپنے ہی لوگوں کے ہیں عطا کردہ
یہ ان کے زخم ہیں جو عمر بھر کے ساتھی ہیں
یہ ان کے زخم ہیں جو اپنی آرزو کے لئے
مری امنگوں کے ہر پھول کو مسل ڈالا
یہ ان کے زخم ہیں جو اپنی تشنگی کے لئے
مرے لبوں کو سلگتا ہوا ہی چھوڑ دیا
یہ ان کے زخم ہیں جو اپنی روشنی کے لئے
مرے چراغوں کو بے وقت ہی بجھا ڈالا
یہ ان کے زخم ہیں جو میری بھیگی پلکوں سے
بہت سے پھول چنے دامن خوشی کے لئے
یہ ان کے زخم ہیں جو مجھ کو راہ دکھلا کر
تمام عمر بھٹکنے کے واسطے چھوڑا
یہ ان کے زخم ہیں جو میرا نام لے لے کر
ہمیشہ میری محبت کا گیت گاتے رہے
مری وفاؤں کا یوں بھی مذاق اڑاتے رہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
