zamana chaal chal jae

kabhī aisā bhī hotā hai

ki barsoñ ba.ad

banjar is zamīn-e-dil meñ

koñpal sar uThātī hai

kalī khiltī hai

titlī raqs kartī

gungunātī hai

kiran ik jagmagātī hai

havā-e-ḳhush-gumānī kā

farhat-añgez jhoñkā

mujh se sargoshī meñ kahtā hai

tumheñ us se mohabbat hai

use tum se mohabbat hai

na tum iz.hār karte ho

na vo iqrār kartī hai

ye sach hai

phir bhī tum donoñ hī apnī zaat se inkār karte

kahī har baat se inkār karte ho

zarā apne diloñ se pūchh kar dekho

kahīñ aisā na ho ye vaqt hāthoñ se nikal jaa.e

zamāna chaal chal jaa.e

kabhi aisa bhi hota hai

ki barson baad

banjar is zamin-e-dil mein

konpal sar uThati hai

kali khilti hai

titli raqs karti

gungunati hai

kiran ek jagmagati hai

hawa-e-KHush-gumani ka

farhat-angez jhonka

mujh se sargoshi mein kahta hai

tumhein us se mohabbat hai

use tum se mohabbat hai

na tum izhaar karte ho

na wo iqrar karti hai

ye sach hai

phir bhi tum donon hi apni zat se inkar karte

kahi har baat se inkar karte ho

zara apne dilon se puchh kar dekho

kahin aisa na ho ye waqt hathon se nikal jae

zamana chaal chal jae