zamin se ishq

ai zamīñ

nāznīñ māh-jabīñ

ai marī gulfām parī

terā husn-o-shabāb kyā kahnā

jism terā hai jaise tāj-mahal

terā chehrā shafaq kī laalī hai

terī āñkheñ haiñ chāñd aur sūraj

tere abrū haiñ misl-e-qaus-o-quzah

shāḳh-e-sandal haiñ marmarīñ bāheñ

tere dandāñ damakte motī haiñ

terī peshānī pe damaktā huā

kāhkashāñ kā jhūmar

lab haiñ tere gulāb kī pattī

naġhma-e-ābshār terī sadā

terā lahrātā huā āñchal haiñ

āsmāñ par ye tere bādal

aur terī chaal

jaise lahrā.e nadī bal khaa.e

ai zamīñ

jab talak na maut aa.e

kyoñ na maiñ TuuT kar tujhe chāhūñ

ai zamin

naznin mah-jabin

ai mari gulfam pari

tera husn-o-shabab kya kahna

jism tera hai jaise taj-mahal

tera chehra shafaq ki lali hai

teri aankhen hain chand aur suraj

tere abru hain misl-e-qaus-o-quzah

shaKH-e-sandal hain marmarin bahen

tere dandan damakte moti hain

teri peshani pe damakta hua

kahkashan ka jhumar

lab hain tere gulab ki patti

naghma-e-abshaar teri sada

tera lahraata hua aanchal hain

aasman par ye tere baadal

aur teri chaal

jaise lahrae nadi bal khae

ai zamin

jab talak na maut aae

kyon na main TuT kar tujhe chahun