zanjir ki chiKH

samundar tujhe chhoḌ kar jā rahā huuñ

tū ye mat samajhnā

ki maiñ terī maujoñ kī zanjīr kī chīḳh se be-ḳhabar huuñ

yahī maiñ ne sochā hai apnī zamīñ ko

ufuq se pare yuuñ bichhā duuñ

Had-e-īn-o-āñ tak uThā duuñ

vo tū ho ki maiñ

apnī vus.at meñ lā-intihā haiñ

magar ham kināroñ ke maare hue haiñ

samundar tujhe chhoD kar ja raha hun

tu ye mat samajhna

ki main teri maujon ki zanjir ki chiKH se be-KHabar hun

yahi main ne socha hai apni zamin ko

ufuq se pare yun bichha dun

Had-e-in-o-an tak uTha dun

wo tu ho ki main

apni wusat mein la-intiha hain

magar hum kinaron ke mare hue hain