zina zina

january kā sard din thā

yaad hai

ham garm chaa.e kī talab meñ

restaurant kī sīḌhiyāñ jab chaḌh rahe the

tab tumhāre adh-khule juute ke tasme bāñdhne ke vāste

tum ruk ga.iiñ thiiñ

rukī aur jhuk ke tasme bāñdh kar

phir sīḌhiyāñ chaḌhne ko thiiñ

tab ek lamhe ke liye tum ne tavāzun kho diyā thā

aur sañbhalne ke liye kāñdhe pe mere haath rakhā thā

tumheñ ehsās bhī shāyad na ho ab tak

ki tum ko thāmne kī fikr meñ

mere qadam bhī laḌkhaḌā.e the

mere kāñdhe pe rakh kar haath tum ḳhud to sañbhal kar

ziina ziina chaḌh ga.iiñ

lekin

maiñ ab tak bhī sañbhal paayā nahīñ huuñ

palaT kar dekh lo uupar ke ziine se

maiñ ab bhī rā.egāñ koshish meñ huuñ

shāyad sañbhal jā.ūñ

january ka sard din tha

yaad hai

hum garm chae ki talab mein

restaurant ki siDhiyan jab chaDh rahe the

tab tumhaare adh-khule jute ke tasme bandhne ke waste

tum ruk gain thin

ruki aur jhuk ke tasme bandh kar

phir siDhiyan chaDhne ko thin

tab ek lamhe ke liye tum ne tawazun kho diya tha

aur sanbhalne ke liye kandhe pe mere hath rakha tha

tumhein ehsas bhi shayad na ho ab tak

ki tum ko thamne ki fikr mein

mere qadam bhi laDkhaDae the

mere kandhe pe rakh kar hath tum KHud to sanbhal kar

zina zina chaDh gain

lekin

main ab tak bhi sanbhal paya nahin hun

palaT kar dekh lo upar ke zine se

main ab bhi raegan koshish mein hun

shayad sanbhal jaun