zindagi

ai zindagī

tujhe yuuñ guzarte dekhā

kabhī girte

to kabhī sambhalte dekhā

jab dil chāhā

tujhe bhar leñ in bāñhoñ meñ

haath se ret sā

phisalte dekhā

rakhā jo aa.ina

terī nigāhoñ par

tujh meñ ḳhud ko

sañvarte dekhā

khulī jo aañkh

TuuTā vo ḳhvāb

ḳhud meñ tujh ko

bikharte dekhā

kuchh jaagī kuchh soī

yuuñ ḳhud meñ hī khoī

kabhī jalī kabhī bujhī

saat rañgoñ se sajī

vaqt kī palkoñ par

yuuñ nikharte dekhā

ai zindagi

tujhe yun guzarte dekha

kabhi girte

to kabhi sambhalte dekha

jab dil chaha

tujhe bhar len in banhon mein

hath se ret sa

phisalte dekha

rakha jo aaina

teri nigahon par

tujh mein KHud ko

sanwarte dekha

khuli jo aankh

TuTa wo KHwab

KHud mein tujh ko

bikharte dekha

kuchh jagi kuchh soi

yun KHud mein hi khoi

kabhi jali kabhi bujhi

sat rangon se saji

waqt ki palkon par

yun nikharte dekha