زندگی اور خودی
خودی کو ذات کا عرفاں نہیں تو کچھ بھی نہیں
خودی حقیقت عریاں نہیں تو کچھ بھی نہیں
نہ پوچھ مجھ سے وہ راحت جو اضطراب میں ہے
تو مثل انجم رخشاں نہیں تو کچھ بھی نہیں
ہو شعلہ بار کہ دنیا ہے تودۂ خاشاک
تری خودی شرر افشاں نہیں تو کچھ بھی نہیں
خرد ہے لذت ایماں کے ذکر سے بیزار
حیات لذت ایماں نہیں تو کچھ بھی نہیں
تو جس کی سعی سے تاباں ہے کوکب تقدیر
فروغ عالم امکاں نہیں تو کچھ بھی نہیں
خودی کی ضرب سے لرزاں ہے کائنات تمام
خودی کے بحر میں طوفاں نہیں تو کچھ بھی نہیں
بہ فیض سوز خودی تیری زیست کی راتیں
حریف صبح زر افشاں نہیں تو کچھ بھی نہیں
تجھے خبر نہیں کیا ہے حیات شعلہ مزاج
رگوں میں شورش پنہاں نہیں تو کچھ بھی نہیں
خودی کا زخمہ ہے مضراب ساز کون و مکاں
خودی کا ساز غزل خواں نہیں تو کچھ بھی نہیں
ترے جمال کی اس پر اساس ہے اے دوست
تو اپنے دل کا نگہباں نہیں تو کچھ بھی نہیں
کمال عشق ہے ذوق نظر کی سیرابی
یہاں تجلیٔ فاراں نہیں تو کچھ بھی نہیں
وجود قطرۂ نیساں سے ہے صدف کی نمود
صدف میں قطرۂ نیساں نہیں تو کچھ بھی نہیں
مری نواؤں سے لرزاں ہیں تار عود حیات
میں زندگی کا حدی خواں نہیں تو کچھ بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
