زندگی اک رات کی
ہر پتنگے کو پتہ ہے زندگی اک رات کی
شمع کا یہ حسن اور یہ روشنی اک رات کی
زندگی اک رات کی ہے روشنی اک رات کی
رات بھر کا کھیل ہے یہ رات بھر کا پیار ہے
بجھ گئی جب روشنی پھر کون کس کا یار ہے
یہ محبت یہ ملن یہ دوستی اک رات کی
زندگی اک رات کی ہے روشنی اک رات کی
ہم تو پروانے ہیں تیرے گرد ناچے جائیں گے
روپ دیکھیں گے جہاں قربان ہوتے جائیں گے
آج محفل میں کھلی ہے چاندنی اک رات کی
زندگی اک رات کی ہے روشنی اک رات کی
چل رہا ہے کب سے حسن و عشق کا یہ سلسلہ
یہ تڑپ یہ آرزو یہ حسرتوں کا قافلہ
کامیابی ایک شب کی بے کسی اک رات کی
زندگی اک رات کی ہے روشنی اک رات کی
درد ہے انعام اس الفت کا یہ معلوم ہے
موت ہے انجام اس چاہت کا یہ معلوم ہے
پنچھیؔ یہ مستی یہ دھڑکن یہ خوشی اک رات کی
زندگی اک رات کی ہے روشنی اک رات کی
ہر پتنگے کو پتہ ہے زندگی اک رات کی
زندگی اک رات کی ہے روشنی اک رات کی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
