zindagi ka safar

safar hai zindagī kā aur

badalte mausamoñ kā

kabhī sarsabz rahte haiñ

kabhī barfīlī shahrāheñ

kabhī tārīk galiyoñ se

guzarte

dam jo ghuT jaa.e

kabhī sahrā kī taptī ret par

gar pā-piyāda chalnā paḌ jaa.e

kabhī ḳhvāboñ kī bastī se

koī sapnā

haqīqat meñ badal jaa.e

safar hai zindagī kā aur

badalte mausamoñ kā

kabhī tanhā

bahut āzurda

ḳhālī ḳhālī nazroñ se

manāzir taktā jaatā huuñ

kabhī maiñ ḳhud musāfir huuñ

kabhī koī ham-safar merā

ki jis kī ḳhushbuoñ se

mo'attar ho fazā saarī

agar vo muskurā.e

adh-khilī kaliyāñ

bhī khil uTTheñ

safar hai zindagī kā aur badalte mausamoñ kā

kabhī madd-o-jazar aisā

haqīqat meñ badal jaa.e

ki ik tūfān aa jaa.e

lagā de aag gulshan meñ

kisī gumnām raste se

koī chehra mohabbat kā

kalā.ī ko pakaḌ kar

āsmānoñ ke safar par

saath le jaa.e

kabhī aisā bhī ho jaa.e

yuuñ hī chāhat ke sāñche meñ

Dhaleñ do dil

ki dil se ye du'ā nikle

guzar jaa.e

yuuñ hī phir zindagī apnī

yuuñ hī phir shaam ho jaa.e

safar hai zindagī kā aur

badalte mausamoñ kā

safar hai zindagi ka aur

badalte mausamon ka

kabhi sarsabz rahte hain

kabhi barfili shahrahen

kabhi tarik galiyon se

guzarte

dam jo ghuT jae

kabhi sahra ki tapti ret par

gar pa-piyaada chalna paD jae

kabhi KHwabon ki basti se

koi sapna

haqiqat mein badal jae

safar hai zindagi ka aur

badalte mausamon ka

kabhi tanha

bahut aazurda

KHali KHali nazron se

manazir takta jata hun

kabhi main KHud musafir hun

kabhi koi ham-safar mera

ki jis ki KHushbuon se

mo'attar ho faza sari

agar wo muskurae

adh-khili kaliyan

bhi khil uTThen

safar hai zindagi ka aur badalte mausamon ka

kabhi madd-o-jazar aisa

haqiqat mein badal jae

ki ek tufan aa jae

laga de aag gulshan mein

kisi gumnam raste se

koi chehra mohabbat ka

kalai ko pakaD kar

aasmanon ke safar par

sath le jae

kabhi aisa bhi ho jae

yun hi chahat ke sanche mein

Dhalen do dil

ki dil se ye du'a nikle

guzar jae

yun hi phir zindagi apni

yun hi phir sham ho jae

safar hai zindagi ka aur

badalte mausamon ka