zindagi

roz-e-azal se ek tamāshe meñ gum the ham

nārāz ho ga.e haiñ ab ik dūsre se ham

be-nām ḳhvāhishoñ kī riyāzat se thak ga.e

ham log terī vaqtī mohabbat se thak ga.e

jo tujh ko jiinā chāhte the jaldī mar ga.e

jo bach ga.e vo terī masāfat se thak ga.e

ab terī samt maiñ kabhī palTūñgā hī nahīñ

gar tū bulā.e bhī to maiñ lauTūñgā hī nahīñ

hujjat tamām ho ga.ī aur aa ga.ī hai shaam

ai zindagī javāñ kā tujhe āḳhirī salām

roz-e-azal se ek tamashe mein gum the hum

naraaz ho gae hain ab ek dusre se hum

be-nam KHwahishon ki riyazat se thak gae

hum log teri waqti mohabbat se thak gae

jo tujh ko jina chahte the jaldi mar gae

jo bach gae wo teri masafat se thak gae

ab teri samt main kabhi palTunga hi nahin

gar tu bulae bhi to main lauTunga hi nahin

hujjat tamam ho gai aur aa gai hai sham

ai zindagi jawan ka tujhe aaKHiri salam