zindagi

zindagī azal se saare pāniyoñ ko ubuur kartī huī

phir ek sangam par aa Thahrī hai

qadāmat kī kokh meñ na.ī chiñgāriyāñ sulag rahī haiñ

jaise nayā sūraj chamakne ko hai

laToñ se dariyāoñ ke sote

daur-e-jadīd kā badal nahīñ ho sakte

sochtā huuñ

tum kis zamāne meñ mere vajūd kā hissa the

lekin kisī devtā ne

jaane kyoñ

mere vajūd se tumheñ alāhada kar diyā

maiñ ḳhud ko talāsh kartā rahūñ

justujū

mere ḳhvāboñ ko chhūtī rahī

ik nayā daur aa.egā

jahāñ fāsle nahīñ hoñge

zindagi azal se sare paniyon ko ubur karti hui

phir ek sangam par aa Thahri hai

qadamat ki kokh mein nai chingariyan sulag rahi hain

jaise naya suraj chamakne ko hai

laTon se dariyaon ke sote

daur-e-jadid ka badal nahin ho sakte

sochta hun

tum kis zamane mein mere wajud ka hissa the

lekin kisi dewta ne

jaane kyon

mere wajud se tumhein alahada kar diya

main KHud ko talash karta rahun

justuju

mere KHwabon ko chhuti rahi

ek naya daur aaega

jahan fasle nahin honge