zyaada

mirī mashq-e-suḳhan kā jab huā un par asar zyāda

meherbānī hai un kī mujh pe kam aur hai qahr zyāda

vo vaise bhī rahā kartī haiñ apnī maañ ke ghar zyāda

vahāñ rah kar bhī vo rahtī haiñ mujh se bā-ḳhabar zyāda

vo chāhe khel chausar kā ho yā shatranj kī baazī

hamesha chaal vo chaltī haiñ apnī ek ghar zyāda

vo koshish to bahut kartā hai lekin uḌ nahīñ saktā

parinde ke nikal aa.e haiñ shāyad bāl-o-par zyāda

maraz shauq-e-masīhā.ī kā phailā hai vabā ban kar

marīzoñ se kahīñ ab ho ga.e haiñ chārāgar zyāda

ḳhudā mahfūz hī rakkhe hameñ in ḳhud-parastoñ se

jo ḳhud ko jānte kam haiñ samajhte haiñ magar zyāda

ġhalat-fahmī hai un kī 'ḳhvāh-maḳhvāh' yā merī ḳhush-fahmī

samajhte haiñ mujhe sab shā.iroñ meñ mo'atabar zyāda

meri mashq-e-suKHan ka jab hua un par asar zyaada

meherbani hai un ki mujh pe kam aur hai qahr zyaada

wo waise bhi raha karti hain apni man ke ghar zyaada

wahan rah kar bhi wo rahti hain mujh se ba-KHabar zyaada

wo chahe khel chausar ka ho ya shatranj ki bazi

hamesha chaal wo chalti hain apni ek ghar zyaada

wo koshish to bahut karta hai lekin uD nahin sakta

parinde ke nikal aae hain shayad baal-o-par zyaada

maraz shauq-e-masihai ka phaila hai waba ban kar

marizon se kahin ab ho gae hain chaaragar zyaada

KHuda mahfuz hi rakkhe hamein in KHud-paraston se

jo KHud ko jaante kam hain samajhte hain magar zyaada

ghalat-fahmi hai un ki 'KHwah-maKHwah' ya meri KHush-fahmi

samajhte hain mujhe sab shairon mein mo'atabar zyaada