kitāb-e-dil kā mirī ek baab ho tum bhī

tumheñ bhī paḌhtā huuñ maiñ ik nisāb kī sūrat

kitab-e-dil ka meri ek bab ho tum bhi

tumhein bhi paDhta hun main ek nisab ki surat

tumhārī baat hī kyā tum baḌe hunar se mile

na zaḳhm-e-dil kī tarah aur na chārāgar kī tarah

tumhaari baat hi kya tum baDe hunar se mile

na zaKHm-e-dil ki tarah aur na chaaragar ki tarah

na.e haiñ vasl ke mausam mohabbateñ bhī na.ī

na.e raqīb haiñ ab ke adāvateñ bhī na.ī

nae hain wasl ke mausam mohabbaten bhi nai

nae raqib hain ab ke adawaten bhi nai

ye sāneha bhī ho gayā hai raste meñ

jo rahnumā thā vahī kho gayā hai raste meñ

ye saneha bhi ho gaya hai raste mein

jo rahnuma tha wahi kho gaya hai raste mein

shāyad ki ye zamāna unheñ pūjne lage

kuchh log is ḳhayāl se patthar ke ho ga.e

shayad ki ye zamana unhen pujne lage

kuchh log is KHayal se patthar ke ho gae