عبداللّٰہ ثاقب 7 اگست، 2001 کو ضلع شاہجہاں پور، اتر پردیش میں ایک علمی گھرانے میں  پیدا ہوئے۔ ابتدائی تعلیم وطن ہی میں حاصل کرنے کے بعد لکھنؤ کا رخ کیا۔ جہاں کی ادبی اور علمی فضا میں اپنی تعلیم کے ساتھ ادب اور شاعری کے ذوق کو بھی پروان چڑھایا۔ وہ ایک ابھرتے ہوئے نوجوان شاعر ہیں جن کی شاعری سادگی اور گہرائی سے بھرپور ہے۔ ان کی غزلیں اور نظمیں ہر شعری اظہار کو اس انداز میں پیش کرتی ہیں کہ وہ ادبی حلقے میں پذیرائی حاصل کرتی ہیں۔ ان کی شاعری میں فلسفہ، محبت، تنہائی اور زندگی کے چھوٹے چھوٹے لمحوں کو خوبصورتی سے پیش کیا گیا ہے۔ عبداللّٰہ ثاقب کی شاعری میں ایک منفرد خصوصیت ہے جو پڑھنے سننے والوں سے گہرا رشتہ قائم کرتی ہے۔ تازہ نظریے اور عربی فارسی شعری روایت کے ساتھ اردو تہذیب میں رچی بسی زبان میں وہ غزل میں سچائی اور بےساختگی کا احساس پیدا کرتے ہیں۔