ham faqīroñ kā pairahan hai dhuup

aur ye raat apnī chādar hai

hum faqiron ka pairahan hai dhup

aur ye raat apni chadar hai

tire hāthoñ meñ hai tirī qismat

tirī izzat tire hī kaam se hai

tere hathon mein hai teri qismat

teri izzat tere hi kaam se hai

yazīd-e-vaqt ne ab ke lagā.ī hai qadġhan

ki bhuul kar bhī na gaa.e koī tarāna-e-ishq

yazid-e-waqt ne ab ke lagai hai qadghan

ki bhul kar bhi na gae koi tarana-e-ishq

maiñ bārishoñ meñ bahut bhīgtā rahā 'ābid'

sulagtī dhuup meñ ik chhat bahut zarūrī hai

main barishon mein bahut bhigta raha 'abid'

sulagti dhup mein ek chhat bahut zaruri hai

ab qafas aur gulistāñ meñ koī farq nahīñ

ham ko ḳhushbū kī talab hai ye sabā jāntī hai

ab qafas aur gulistan mein koi farq nahin

hum ko KHushbu ki talab hai ye saba jaanti hai