ابو محمد واصل بہرائچی
غزل 10
اشعار 17
راہ وفا میں جی کے مرے مر کے بھی جئے
کھیلا اسی طرح سے کئے زندگی سے ہم
مجھے وہ باتوں باتوں میں اگر دیوانہ کہہ دیتے
تو دیوانوں میں میری معتبر دیوانگی ہوتی
کارواں عشق کی منزل کے قریں آ پہونچا
خود مرے دل میں مرے دل کا مکیں آ پہونچا
ہماری لاش گلستاں میں دفن کر صیاد
چمن سے دور کوئی نوحہ خواں رہے نہ رہے
ہنسا کرتے ہیں اکثر لوگ دیوانوں کی باتوں پر
جہاں والے نہیں سمجھے محبت کی زباں شاید
