de hausle kī daad ke ham tere ġham meñ aaj

baiThe haiñ mahfiloñ ko sajā.e tire baġhair

de hausle ki dad ke hum tere gham mein aaj

baiThe hain mahfilon ko sajae tere baghair

ise shā.irī na jaano ye hai merī āp-bītī

maiñ ne likh diyā hai dil kā sabhī haal chalte chalte

ise shairi na jaano ye hai meri aap-biti

main ne likh diya hai dil ka sabhi haal chalte chalte

maiñ is se qīmtī shai koī kho nahīñ saktā

'adīl' maañ kī jagah koī ho nahīñ saktā

main is se qimti shai koi kho nahin sakta

'adil' man ki jagah koi ho nahin sakta

rasm-o-rivāj chhoḌ ke sab aa ga.e yahāñ

rakkhī huī haiñ taaq meñ ab ġhairateñ tamām

rasm-o-riwaj chhoD ke sab aa gae yahan

rakkhi hui hain taq mein ab ghairaten tamam

har taraf apne hī apne haa.e tanhā.ī na pūchh

kis qadar khaltī hai aksar ham ko bīnā.ī na pūchh

har taraf apne hi apne hae tanhai na puchh

kis qadar khalti hai aksar hum ko binai na puchh