maat khaa.ī hai aksar shaah ne payāde se

farq kuchh nahīñ paḌtā taaj aur libāde se

mat khai hai aksar shah ne payaade se

farq kuchh nahin paDta taj aur libaade se

haal pūchhte kyā ho qissa muḳhtasar ye hai

ghar na ban sakā ab tak jo makāñ banāyā thā

haal puchhte kya ho qissa muKHtasar ye hai

ghar na ban saka ab tak jo makan banaya tha

apne rasm-o-rivāj kho baiThe

baaqī ab ḳhāndān meñ kyā hai

apne rasm-o-riwaj kho baiThe

baqi ab KHandan mein kya hai

ye sahn-e-arz-e-haram hai ba-ehtiyāt qadam

bahut qarīb ḳhudā hai zarā sañbhal ke chalo

ye sahn-e-arz-e-haram hai ba-ehtiyat qadam

bahut qarib KHuda hai zara sanbhal ke chalo

ghaTā.eñ khul ke barsīñ thiiñ chaḌhe the dil ke dariyā bhī

chaḌhe dariyāoñ kā ik din utarnā bhī zarūrī thā

ghaTaen khul ke barsin thin chaDhe the dil ke dariya bhi

chaDhe dariyaon ka ek din utarna bhi zaruri tha