محمد آفتاب شاہ، جو اپنے قلمی نام آفتاب شاہ سے جانے جاتے ہیں، ڈسکہ سیالکوٹ، پاکستان میں 2 اپریل 1977 کو پیدا ہوئے۔ انہوں نے میدان تعلیم میں ایم اے ہسٹری، ایم اے اردو، ایم ایڈ، اور ایم فل کی ڈگری حاصل کی ہے۔ 
آفتاب شاہ نے مختلف ادبی میدانوں میں نمایاں کام کئے ہیں۔ ان کے شعری مجموعے "میں، آپ اور گزرا وقت" (2019ء)، "خونِ جگر" (2021ء) اور "کوئی نہیں" (2023ء) منظرعام پر آ چکے ہیں۔ ان کی تنقیدی کتاب "آرنلڈ اور حالی کے تصورِ معاشرہ اور ادب کا تقابلی جائزہ" (2023ء) بھی کافی پذیرائی حاصل کر چکی ہے۔
مزید براں، آفتاب شاہ کے تنقیدی مضامین "تنقید اور شعور" اور "تنقید کا ادبی سفر" زیرِ طبع ہیں۔ ان کا ایک شعری مجموعہ "کیا بتاؤں تم سے لڑ کر میں"،نیز  اقوال زریں کی ایک کتاب "آفتابیات"، اور ناول "جانوریہ" بھی زیرِ طبع ہیں۔ وہ غنچہِ اردو میگزین، سیالکوٹ کے مدیرِ اعلیٰ بھی ہیں۔