ye us kā khel hai jis khel meñ har baar vo yaaro

musalsal haar ke bhī mujh se āḳhir jiit jaatā hai

ye us ka khel hai jis khel mein har bar wo yaro

musalsal haar ke bhi mujh se aaKHir jit jata hai

aap vāqif haiñ mire dost hasīñ lafzoñ se

badle lahjoñ kī karāmāt kahāñ jānte haiñ

aap waqif hain mere dost hasin lafzon se

badle lahjon ki karamat kahan jaante hain

maañg lete haiñ bharose pe ki vo de degā

ham ḳhatā-kār munājāt kahāñ jānte haiñ

mang lete hain bharose pe ki wo de dega

hum KHata-kar munajat kahan jaante hain

shāyad vo jā chukā hai magar dekh lo kahīñ

chāhat ke imtihān meñ ab tak yahīñ na ho

shayad wo ja chuka hai magar dekh lo kahin

chahat ke imtihan mein ab tak yahin na ho

zinda logoñ ko nivāloñ sā chabāne vaale

merī mayyat pe bhī ā.eñge ḳhudā ḳhair kare

zinda logon ko niwalon sa chabane wale

meri mayyat pe bhi aaenge KHuda KHair kare