be-ḳhabar road pe in bhāgte bachchoñ ko maiñ

kitnī hasrat se thakan oḌhe hue dekhtā huuñ

be-KHabar road pe in bhagte bachchon ko main

kitni hasrat se thakan oDhe hue dekhta hun

chūmā thā ek din kisī gul kī jabīn ko

lahje se aaj tak mire ḳhushbū nahīñ ga.ī

chuma tha ek din kisi gul ki jabin ko

lahje se aaj tak mere KHushbu nahin gai

kal raat maiñ bahut hī alag sā lagā mujhe

us kī nazar ne yuuñ mirī sūrat khañgālī dost

kal raat main bahut hi alag sa laga mujhe

us ki nazar ne yun meri surat khangali dost

rātoñ kī niiñd ek parī-zād le uḌī

din kā sukūn fikr-e-ma.īshat meñ kho gayā

raaton ki nind ek pari-zad le uDi

din ka sukun fikr-e-maishat mein kho gaya

samajh aatā hai ham ko dukh baḌoñ kā

ham apne ghar ke bachchoñ meñ baḌe haiñ

samajh aata hai hum ko dukh baDon ka

hum apne ghar ke bachchon mein baDe hain