ḳhudā-yā apne kun kī laaj rakh le

tirā shahkār zaa.e' ho rahā hai

KHuda-ya apne kun ki laj rakh le

tera shahkar zae' ho raha hai

qum-be-iznil-ishq se dil zinda karegā

ye mujh se mohabbat ke masīhā ne kahā hai

qum-be-iznil-ishq se dil zinda karega

ye mujh se mohabbat ke masiha ne kaha hai

ai rabb-e-zuleḳhā-o-ḳhudā-e-abū-yūsuf

ik husn ke maare hue do hijr-zada dekh

ai rabb-e-zuleKHa-o-KHuda-e-abu-yusuf

ek husn ke mare hue do hijr-zada dekh

hukm-e-sultān kī tā'mīl tumhāre liye hai

maiñ nahīñ jā rahā chāho to ye sar le jaao

hukm-e-sultan ki ta'mil tumhaare liye hai

main nahin ja raha chaho to ye sar le jao

kaisī 'ajīb hai ye mohabbat kī zindagī

do pattharoñ meñ jaan paḌī aur mar ga.e

kaisi 'ajib hai ye mohabbat ki zindagi

do pattharon mein jaan paDi aur mar gae