shahr kā shahr ye pīchhe jo paḌā hai mere

tere dīvāne meñ kuchh baat to hotī hogī

shahr ka shahr ye pichhe jo paDa hai mere

tere diwane mein kuchh baat to hoti hogi

ye shā.irī kā takalluf badan pe achchhā libās

sab iltizām usī ek be-vafā ke liye

ye shairi ka takalluf badan pe achchha libas

sab iltizam usi ek be-wafa ke liye

ab kahāñ miltā hai āshiq koī sachchā sāhab

zaḳhm hī koī lagā deñ mujhe achchhā sāhab

ab kahan milta hai aashiq koi sachcha sahab

zaKHm hi koi laga den mujhe achchha sahab

mujh ko da.avā nahīñ yūsuf sā hasīñ hone kā

phir bhī hai merā zuleḳhāoñ meñ charchā sāhab

mujh ko dawa nahin yusuf sa hasin hone ka

phir bhi hai mera zuleKHaon mein charcha sahab

itnī mahñgā.ī hai marnā bhī agar chāhūñ to

zahr miltā nahīñ bāzār meñ sastā sāhab

itni mahngai hai marna bhi agar chahun to

zahr milta nahin bazar mein sasta sahab