ab ibādat meñ bhī aa jaate ho lab par mere

itnā paḌhtā huuñ tumheñ hijr ke lamhoñ meñ ki bas

ab ibaadat mein bhi aa jate ho lab par mere

itna paDhta hun tumhein hijr ke lamhon mein ki bas

ek hasrat ne hameñ rab kā muqarrab rakhā

ham agar 'ishq nahīñ karte to kāfir hote

ek hasrat ne hamein rab ka muqarrab rakha

hum agar 'ishq nahin karte to kafir hote

kisī ke diid kā paiġhām le ke aa rahā huuñ

tavāf ke liye ehrām le ke aa rahā huuñ

kisi ke did ka paigham le ke aa raha hun

tawaf ke liye ehram le ke aa raha hun

mujh ko thī mahfiloñ kī bahut aarzū magar

tanhā.iyoñ ke ḳhauf se tanhā rahā huuñ maiñ

mujh ko thi mahfilon ki bahut aarzu magar

tanhaiyon ke KHauf se tanha raha hun main

so apne shahr ke raunaq kī ḳhair māñgnā tum

maiñ apne gaañv se ik shaam le ke aa rahā huuñ

so apne shahr ke raunaq ki KHair mangna tum

main apne ganw se ek sham le ke aa raha hun