ab apnā intizār rahegā tamām-umr

ik shaḳhs thā jo mujh se judā kar gayā mujhe

ab apna intizar rahega tamam-umr

ek shaKHs tha jo mujh se juda kar gaya mujhe

musalsal sochte rahte haiñ tum ko

tumheñ jiine kī aadat ho ga.ī hai

musalsal sochte rahte hain tum ko

tumhein jine ki aadat ho gai hai

so apne shahr ke raunaq kī ḳhair māñgnā tum

maiñ apne gaañv se ik shaam le ke aa rahā huuñ

so apne shahr ke raunaq ki KHair mangna tum

main apne ganw se ek sham le ke aa raha hun

qasr-e-dil kuchh is qadar TuuTā huā hai ahtamām

un ke bas ik lams bhar se ḳhaak meñ mil jaa.e gā

qasr-e-dil kuchh is qadar TuTa hua hai ahtamam

un ke bas ek lams bhar se KHak mein mil jae ga

ek din us ko muñh lagāyā thā

aur cigarette chhoḌ dī maiñ ne

ek din us ko munh lagaya tha

aur cigarette chhoD di main ne