kirāya-dār badalnā to us kā sheva thā

nikāl kar vo bahut ḳhush huā makāñ se mujhe

kiraya-dar badalna to us ka shewa tha

nikal kar wo bahut KHush hua makan se mujhe

sadā.eñ jism kī dīvār paar kartī haiñ

koī pukār rahā hai magar kahāñ se mujhe

sadaen jism ki diwar par karti hain

koi pukar raha hai magar kahan se mujhe

tuyūr the jo ghoñsloñ meñ paikaroñ ke uḌ ga.e

akele rah ga.e haiñ apne ḳhvāb ke makāñ meñ ham

tuyur the jo ghonslon mein paikaron ke uD gae

akele rah gae hain apne KHwab ke makan mein hum