داستان حسن جب پھیلی تو لا محدود تھی
اور جب سمٹی تو تیرا نام ہو کر رہ گئی
نام علی احمد اور تخلص رفعت ہے ۔ یکم جولائی ۱۹۱۶ء کو چک نمبر ۱۸۰، ضلع فیصل آباد میں پیدا ہوئے۔ صادق ایجرٹن کالج، بہاول پور سے بی اے پاس کیا۔ ہفت روزہ’’ستلج‘‘ کے مدیر رہے۔ تجارت اور صحافت کے پیشے سے منسلک رہے۔ بہاول پور میں سکونت پذیر تھے۔ ان کی تصانیف کے نام یہ ہیں:’’ایک آدمی تین چہرے‘‘، ’’عربی ادب‘‘، ’’لخت لخت‘‘(شعری مجموعہ)۔ ۱۴؍ جولائی ۱۹۸۵ کو بہاول پور میں انتقال کرگئے۔ بحوالۂ:پیمانۂ غزل(جلد دوم)،محمد شمس الحق،صفحہ:72
