chhupā kar dil meñ le jā.eñge jo jo dil pe guzrī hai

ham is nā-qadr duniyā ko ye afsāne nahīñ deñge

chhupa kar dil mein le jaenge jo jo dil pe guzri hai

hum is na-qadr duniya ko ye afsane nahin denge

kahāñ kī 'āshiqī kaisī mohabbat dil kā aanā kyā

havas kā naam mil kar rakh liyā hai 'āshiqī ham ne

kahan ki 'ashiqi kaisi mohabbat dil ka aana kya

hawas ka nam mil kar rakh liya hai 'ashiqi hum ne

batā ai sham' kis ġham meñ jalegī

agar jaañ tujh pe parvāne na deñge

bata ai sham' kis gham mein jalegi

agar jaan tujh pe parwane na denge

'ishq aur mushk chhupā.e kahīñ chhupte haiñ 'amar'

laakh parda karo duniyā se ye pardā to nahīñ

'ishq aur mushk chhupae kahin chhupte hain 'amar'

lakh parda karo duniya se ye parda to nahin

tumhārī bazm meñ har do taraf thī ek majbūrī

na tum ne mad-bharī āñkheñ uThā.īñ aur na pī ham ne

tumhaari bazm mein har do taraf thi ek majburi

na tum ne mad-bhari aankhen uThain aur na pi hum ne