tum kisī ke bhī ho nahīñ sakte

tum ko apnā banā ke dekh liyā

tum kisi ke bhi ho nahin sakte

tum ko apna bana ke dekh liya

ham ko bachpan hī se ik shauq thā barbādī se

naam likh likh ke miTāte the zamīñ par apnā

hum ko bachpan hi se ek shauq tha barbaadi se

nam likh likh ke miTate the zamin par apna

ham bane the tabāh hone ko

aap kā ishq to bahāna thā

hum bane the tabah hone ko

aap ka ishq to bahana tha

ham haiñ un se vo ġhair se māyūs

kyā mohabbat kisī ko raas nahīñ

hum hain un se wo ghair se mayus

kya mohabbat kisi ko ras nahin

kyā ta.ajjub hai jo yāroñ ne rifāqat chhoḌī

baiThtā kaun hai girtī huī dīvār ke paas

kya tajjub hai jo yaron ne rifaqat chhoDi

baiThta kaun hai girti hui diwar ke pas

dekhne vaale samajhte haiñ shanāsā bhī nahīñ

aaj begāne nazar aate haiñ ham tum kitne

dekhne wale samajhte hain shanasa bhi nahin

aaj begane nazar aate hain hum tum kitne

hamāre ba.ad sunñā dūsroñ se

kahānī ye abhī puurī nahīñ hai

hamare baad sunna dusron se

kahani ye abhi puri nahin hai