انعمتا علی کا تعلق پاکستان کے خوبصورت شہر دینہ، جہلم سے ہے۔ وہ 6 جنوری1993کو پیدا ہوئیں۔ اّپ نے اردو ادب میں ایم اے کیا ہے اور فی الوقت درس و تدریس کے پیشے سے وابستہ ہیں۔

جہاں تک انعمتا علی کی شاعری کا تعلق ہے انھوں نے اپنے شعری سفر کا آغاز 2018 میں کیا۔ ان کی شاعری میں جدید فکری رجحانات موجود ہیں ان کی غزل ہو یا نظم ایک خاص رنگ و آہنگ سے عبارت ہے۔ جذبوں کی سرشاری، محبتوں کی دل کشی و دل سوزی، سماجی اور معاشرتی پہلوؤں کا سوزو گداز ان کی شاعری کے اہم اوصاف ہیں۔ ان کے اشعار میں نسوانی احساسات و جذبات کا اظہار اور ان کی عکاسی بھی قابل داد ہے۔