muusā nahīñ ki taab na lā.ūñ maiñ husn kī

be-parda sāmne mire tū bhī to aa ke dekh

musa nahin ki tab na laun main husn ki

be-parda samne mere tu bhi to aa ke dekh

dayār-e-ishq meñ tanhā rahā nahīñ hargiz

ḳhushī ne haath jo chhoḌā to ġham ne thaam liyā

dayar-e-ishq mein tanha raha nahin hargiz

KHushi ne hath jo chhoDa to gham ne tham liya

jaate hī un ke ziist kī sūrat badal ga.ī

allāh itnī der meñ qismat badal ga.ī

jate hi un ke zist ki surat badal gai

allah itni der mein qismat badal gai

un se iz.hār-e-mudda.ā na kiyā

kyā kiyā maiñ ne haa.e kyā na kiyā

un se izhaar-e-muddaa na kiya

kya kiya main ne hae kya na kiya

kyā barbād jin ko vo tamannā.eñ tumhārī thiiñ

na hasrat merī hasrat thī na armāñ merā armāñ thā

kya barbaad jin ko wo tamannaen tumhaari thin

na hasrat meri hasrat thi na arman mera arman tha