jo ho sakā na mirā us ko bhuul jā.ūñ maiñ

parā.ī aag meñ kyuuñ uñgliyāñ jalā.ūñ maiñ

jo ho saka na mera us ko bhul jaun main

parai aag mein kyun ungliyan jalaun main

hue asiir to phir umr bhar rihā na hue

hamāre gird ta.alluq kā jaal aisā thā

hue asir to phir umr bhar riha na hue

hamare gird talluq ka jal aisa tha

ik dhamāke se na phaT jaa.e kahīñ merā vajūd

apnā laavā aap bāhar pheñktā rahtā huuñ maiñ

ek dhamake se na phaT jae kahin mera wajud

apna lawa aap bahar phenkta rahta hun main

itnā sannāTā hai kuchh bolte Dar lagtā hai

saañs lenā bhī dil o jaañ pe girāñ hai ab ke

itna sannaTa hai kuchh bolte Dar lagta hai

sans lena bhi dil o jaan pe giran hai ab ke