āshiyānoñ meñ na jab lauTe parinde to 'sadīd'

duur tak taktī rahīñ shāḳhoñ meñ āñkheñ sub.h tak

aashiyanon mein na jab lauTe parinde to 'sadid'

dur tak takti rahin shaKHon mein aankhen subh tak

ham ne har samt bichhā rakkhī haiñ āñkheñ apnī

jaane kis samt se aa jaa.e savārī terī

hum ne har samt bichha rakkhi hain aankhen apni

jaane kis samt se aa jae sawari teri

jo phuul jhaḌ ga.e the jo aañsū bikhar ga.e

ḳhāk-e-chaman se un kā patā pūchhtā rahā

jo phul jhaD gae the jo aansu bikhar gae

KHak-e-chaman se un ka pata puchhta raha

kal shaam parindoñ ko uḌte hue yuuñ dekhā

be-āb samundar meñ jaise ho ravāñ paanī

kal sham parindon ko uDte hue yun dekha

be-ab samundar mein jaise ho rawan pani

us ke baġhair zindagī kitnī fuzūl hai

tasvīr us kī dil se judā kar ke dekhte

us ke baghair zindagi kitni fuzul hai

taswir us ki dil se juda kar ke dekhte