jab koī ahm faisla karnā

apne bachchoñ se mashvara karnā

jab koi ahm faisla karna

apne bachchon se mashwara karna

vahāñ har chiiz thī ik jins-e-vafā thī nāyāb

ḳhaak Daal aayā tire shahr ke bāzāroñ par

wahan har chiz thi ek jins-e-wafa thi nayab

KHak Dal aaya tere shahr ke bazaron par

jo mere gaañv ke khetoñ meñ bhuuk ugne lagī

mire kisānoñ ne shahroñ meñ naukrī kar lī

jo mere ganw ke kheton mein bhuk ugne lagi

mere kisanon ne shahron mein naukri kar li

maiñ ne sīkhā hai apne bachchoñ se

sach kā iz.hār barmalā karnā

main ne sikha hai apne bachchon se

sach ka izhaar barmala karna

mujh ko vaisā ḳhudā milā bilkul

maiñ ne 'ārif' kiyā gumāñ jaisā

mujh ko waisa KHuda mila bilkul

main ne 'arif' kiya guman jaisa