ye intizār nahīñ sham.a hai rifāqat kī

is intizār se tanhā.ī ḳhūb-sūrat hai

ye intizar nahin shama hai rifaqat ki

is intizar se tanhai KHub-surat hai

dil ko ma.alūm hai kyā baat batānī hai use

us se kyā baat chhupānī hai zabāñ jāntī hai

dil ko malum hai kya baat batani hai use

us se kya baat chhupani hai zaban jaanti hai

kis kis ko samjhā.egā ye nādānī chhoḌ

chehre ko sundar banā ā.īna mat toḌ

kis kis ko samjhaega ye nadani chhoD

chehre ko sundar bana aaina mat toD

ḳhudā kare ye raushnī paḌe kabhī na maañd

gāloñ par vo likh gayā aadhe aadhe chāñd

KHuda kare ye raushni paDe kabhi na mand

galon par wo likh gaya aadhe aadhe chand

sāvan aate hī baḌhe āvāzoñ kā zor

ḳhushbū chīḳhe Daal par rañg machā.eñ shor

sawan aate hi baDhe aawazon ka zor

KHushbu chiKHe Dal par rang machaen shor