tumhārā husn ārā.ish tumhārī sādgī zevar

tumheñ koī zarūrat hī nahīñ banñe sañvarne kī

tumhaara husn aaraish tumhaari sadgi zewar

tumhein koi zarurat hi nahin banne sanwarne ki

ishq se log manā karte haiñ

jaise kuchh iḳhtiyār hai apnā

ishq se log mana karte hain

jaise kuchh iKHtiyar hai apna

ye sochte hī rahe aur bahār ḳhatm huī

kahāñ chaman meñ nasheman bane kahāñ na bane

ye sochte hi rahe aur bahaar KHatm hui

kahan chaman mein nasheman bane kahan na bane

idhar se aaj vo guzre to muñh phere hue guzre

ab un se bhī hamārī be-kasī dekhī nahīñ jaatī

idhar se aaj wo guzre to munh phere hue guzre

ab un se bhi hamari be-kasi dekhi nahin jati

bhūlne vaale ko shāyad yaad va.ada aa gayā

mujh ko dekhā muskurāyā ḳhud-ba-ḳhud sharmā gayā

bhulne wale ko shayad yaad wada aa gaya

mujh ko dekha muskuraya KHud-ba-KHud sharma gaya