اس ادا سے مجھے سلام کیا

ایک ہی آن میں غلام کیا

ملتے ہی نظر دل کو ملایا نہیں جاتا

آغاز کو انجام بنایا نہیں جاتا

ہم عشق کے بندہ ہیں مذہب سے نہیں واقف

گر کعبہ ہوا تو کیا بت خانہ ہوا تو کیا

یہ نہ آنے کے بہانے ہیں سبھی ورنہ میاں

اتنا تو گھر سے مرے کچھ نہیں گھر دور ترا

کہتا ہے بہت کچھ وہ مجھے چپکے ہی چپکے

ظاہر میں یہ کہتا ہے کہ میں کچھ نہیں کہتا

فائدہ کیا ہے نصیحت سے پھرے ہو ناصح

ہم سمجھنے کے نہیں لاکھ تو سمجھائے ہمیں

پھبا ہے رخ پہ ترے خوش نما صنم لیکن

ہمیشہ گل پہ یہ شبنم رہے رہے نہ رہے

یا ڈر مجھے تیرا ہے کہ میں کچھ نہیں کہتا

یا حوصلہ میرا ہے کہ میں کچھ نہیں کہتا