hamārī jiit huī hai ki donoñ haare haiñ

bichhaḌ ke ham ne ka.ī raat din guzāre haiñ

hamari jit hui hai ki donon haare hain

bichhaD ke hum ne kai raat din guzare hain

jaane kis lamha-e-vahshī kī talab hai ki falak

dekhnā chāhe mire shahr ko jañgal kar ke

jaane kis lamha-e-wahshi ki talab hai ki falak

dekhna chahe mere shahr ko jangal kar ke

jab maiñ us ke gaañv se bāhar niklā thā

har raste ne merā rasta rokā thā

jab main us ke ganw se bahar nikla tha

har raste ne mera rasta roka tha

qarīb aa ke bhī ik shaḳhs ho sakā na mirā

yahī hai merī haqīqat yahī fasāna mirā

qarib aa ke bhi ek shaKHs ho saka na mera

yahi hai meri haqiqat yahi fasana mera

shahr meñ aa kar paḌhne vaale bhuul ga.e

kis kī maañ ne kitnā zevar bechā thā

shahr mein aa kar paDhne wale bhul gae

kis ki man ne kitna zewar becha tha