kuchh der dum hilā.iye aaqā ke sāmne

phailā ke paañv ghar pe phir ārām kījiye

kuchh der dum hilaiye aaqa ke samne

phaila ke panw ghar pe phir aaram kijiye

yārān-e-ham-mazāq kī mahfil sajā.iye

jo muttafiq na ho use badnām kījiye

yaran-e-ham-mazaq ki mahfil sajaiye

jo muttafiq na ho use badnam kijiye

apnī ġharaz ke aage sadā-e-zamīr kyā

saare takallufāt ko nīlām kījiye

apni gharaz ke aage sada-e-zamir kya

sare takallufat ko nilam kijiye

jantā kā ḳhuun bechiye paise kamā.iye

kyoñ shikva-hā.e gardish-e-ayyām kījiye

janta ka KHun bechiye paise kamaiye

kyon shikwa-hae gardish-e-ayyam kijiye

kal jo qātil the vahī aa.e masīhā ban kar

rahiye in logoñ se hushyār chanā jor garam

kal jo qatil the wahi aae masiha ban kar

rahiye in logon se hushyar chana jor garam