گھٹن سی ہونے لگی اس کے پاس جاتے ہوئے

میں خود سے روٹھ گیا ہوں اسے مناتے ہوئے

نیند آئے گی بھلا کیسے اسے شام کے بعد

روٹیاں بھی نہ میسر ہوں جسے کام کے بعد

تمہارے آنے کی امید بر نہیں آتی

میں راکھ ہونے لگا ہوں دئیے جلاتے ہوئے

یہ کیفیت ہے میری جان اب تجھے کھو کر

کہ ہم نے خود کو بھی پایا نہیں بہت دن سے

ایک مدت سے ہیں سفر میں ہم

گھر میں رہ کر بھی جیسے بے گھر سے

نہ جانے ختم ہوئی کب ہماری آزادی

تعلقات کی پابندیاں نبھاتے ہوئے

یہ پہلا عشق ہے تمہارا سوچ لو

مرے لئے یہ راستا نیا نہیں

ہے اب بھی بستر جاں پر ترے بدن کی شکن

میں خود ہی مٹنے لگا ہوں اسے مٹاتے ہوئے

ہر ایک شخص یہاں محو خواب لگتا ہے

کسی نے ہم کو جگایا نہیں بہت دن سے

پھر اس کے بعد منایا نہ جشن خوشبو کا

لہو میں ڈوبی تھی فصل بہار کیا کرتے

ہر ایک سمت یہاں وحشتوں کا مسکن ہے

جنوں کے واسطے صحرا و آشیانہ کیا