ghuTan sī hone lagī us ke paas jaate hue

maiñ ḳhud se ruuTh gayā huuñ use manāte hue

ghuTan si hone lagi us ke pas jate hue

main KHud se ruTh gaya hun use manate hue

niiñd aa.egī bhalā kaise use shaam ke ba.ad

roTiyāñ bhī na mayassar hoñ jise kaam ke ba.ad

nind aaegi bhala kaise use sham ke baad

roTiyan bhi na mayassar hon jise kaam ke baad

tumhāre aane kī ummīd bar nahīñ aatī

maiñ raakh hone lagā huuñ diye jalāte hue

tumhaare aane ki ummid bar nahin aati

main rakh hone laga hun diye jalate hue

ye kaifiyat hai merī jaan ab tujhe kho kar

ki ham ne ḳhud ko bhī paayā nahīñ bahut din se

ye kaifiyat hai meri jaan ab tujhe kho kar

ki hum ne KHud ko bhi paya nahin bahut din se

ek muddat se haiñ safar meñ ham

ghar meñ rah kar bhī jaise beghar se

ek muddat se hain safar mein hum

ghar mein rah kar bhi jaise beghar se

na jaane ḳhatm huī kab hamārī āzādī

ta.alluqāt kī pābandiyāñ nibhāte hue

na jaane KHatm hui kab hamari aazadi

talluqat ki pabandiyan nibhate hue

ye pahlā ishq hai tumhārā soch lo

mire liye ye rāstā nayā nahīñ

ye pahla ishq hai tumhaara soch lo

mere liye ye rasta naya nahin

hai ab bhī bistar-e-jāñ par tire badan kī shikan

maiñ ḳhud hī miTne lagā huuñ use miTāte hue

hai ab bhi bistar-e-jaan par tere badan ki shikan

main KHud hi miTne laga hun use miTate hue

har ek shaḳhs yahāñ mahv-e-ḳhvāb lagtā hai

kisī ne ham ko jagāyā nahīñ bahut din se

har ek shaKHs yahan mahw-e-KHwab lagta hai

kisi ne hum ko jagaya nahin bahut din se

phir is ke ba.ad manāyā na jashn ḳhushbū kā

lahū meñ Duubī thī fasl-e-bahār kyā karte

phir is ke baad manaya na jashn KHushbu ka

lahu mein Dubi thi fasl-e-bahaar kya karte

har ek samt yahāñ vahshatoñ kā maskan hai

junūñ ke vāste sahrā o āshiyāna kyā

har ek samt yahan wahshaton ka maskan hai

junun ke waste sahra o aashiyana kya