ye apnī bebasī hai yā ki apnī be-hisī yaaro

hai apnā haath un ke sāmne jo ḳhud bhikārī haiñ

ye apni bebasi hai ya ki apni be-hisi yaro

hai apna hath un ke samne jo KHud bhikari hain

amn aur āshtī se us ko kyā

us kā maqsad to intishār meñ hai

amn aur aashti se us ko kya

us ka maqsad to intishaar mein hai

hamārī muflisī āvārgī pe tum ko hairat kyuuñ

hamāre paas jo kuchh hai vo sauġhāteñ tumhārī haiñ

hamari muflisi aawargi pe tum ko hairat kyun

hamare pas jo kuchh hai wo saughaten tumhaari hain

apne liye hī mushkil hai

izzat se jī paanā bhī

apne liye hi mushkil hai

izzat se ji pana bhi