kachre se uThā.ī jo kisī tifl ne roTī

phir halq se mere koī luqma nahīñ utrā

kachre se uThai jo kisi tifl ne roTi

phir halq se mere koi luqma nahin utra

is se baḌh kar aur kyā ham par sitam hogā 'munīr'

mashvara māñgā hai is ne faisla karne ke ba.ad

is se baDh kar aur kya hum par sitam hoga 'munir'

mashwara manga hai is ne faisla karne ke baad

jab vasl kā aa.egā tire saath sanam din

us din ko haqīqat meñ kahūñgā maiñ janam-din

jab wasl ka aaega tere sath sanam din

us din ko haqiqat mein kahunga main janam-din

koī bhī sur meñ nahīñ hai 'munīr' kyā kiije

ye zindagī kā tarāna riyāz māñgtā hai

koi bhi sur mein nahin hai 'munir' kya kije

ye zindagi ka tarana riyaz mangta hai

paḌ jaate haiñ kitne chhāle hāthoñ meñ

aate haiñ phir chand nivāle hāthoñ meñ

paD jate hain kitne chhaale hathon mein

aate hain phir chand niwale hathon mein