asar na pūchhiye saaqī kī mast āñkhoñ kā

ye dekhiye ki koī hoshyār baaqī hai

asar na puchhiye saqi ki mast aankhon ka

ye dekhiye ki koi hoshyar baqi hai

taḌap ke rah ga.ī bulbul qafas meñ ai sayyād

ye kyā kahā ki abhī tak bahār baaqī hai

taDap ke rah gai bulbul qafas mein ai sayyaad

ye kya kaha ki abhi tak bahaar baqi hai

kitne ilzām āḳhir apne sar

tum ne ġhairoñ ko sar chaḌhā ke liye

kitne ilzam aaKHir apne sar

tum ne ghairon ko sar chaDha ke liye

laḌ ga.ī un se nazar khiñch ga.e abrū un ke

ma.arke ishq ke ab tīr-o-kamāñ tak pahuñche

laD gai un se nazar khinch gae abru un ke

marke ishq ke ab tir-o-kaman tak pahunche

dil jo detā hai zarā soch le anjām ko bhī

un kī āñkhoñ meñ muravvat nahīñ kuchh naam ko bhī

dil jo deta hai zara soch le anjam ko bhi

un ki aankhon mein murawwat nahin kuchh nam ko bhi